სამარხვო ბლოგი


2 Comments

და იქმნა ნათელი

• დასაბამად ქმნა ღმერთმან ცაჲ და ქუეყენაჲ

• ხოლო ქუეყანაჲ იყო უხილავ და განუმზადებელ და ბნელი ზედა უფსკრულთა. და სული ღმრთისაჲ იქცეოდა ზედა წყალთა.

• და თქუა ღმერთმან: იქმენიან ნათელი და იქმნა ნათელი.

ღმერთმა შექმნა 6 დღეში ყველაფერი ის, რაც პირველმა ადამიანმა დაინახა თავის გარშემო. ტყეები, მდინარეები, მთები, ცხოველები, დღის და ღამის, წელიწადის სეზონების მონაცვლეობა და ა შ. თუმცა, ადამიანს ასეთი სამყარო მაინცდამაინც არ მოეწონა და კიდევ ბევრი რამის შექმნა გადაწვიტა, მაგრამ ამისათვის ჯერ სათანადოდ უნდა შეეცნო სამყარო. დაიწყო დაკვირვება ციურ სხეულებზე, რომლებიც ღამის ცას უნათებდნენ მას და აღმოაჩინა, რომ ისინი უბრალოდ კი არ ანათებენ, არამედ ერთგვარ სახელმძვანელოდაც კი შეიძლება გამომდგარიყო მათი განლაგება. ამიტომ, ჩემი აზრით პირველი მცენიერება რომელიც დედამიწაზე შეიქმნებოდა, აუცილებლად ასტრომიის, ასტროლოგიის და კოსმოლოგიის ნაზავი იქნებოდა, რომელიც შემდეგ უკვე ბერძნული კულტურის განვითარების ხანაში მეგა მეცნიერება – ფილოსოფიაში გაერთიანდებოდა.creation-of-the-universe

ამის შემდეგ მან სულიერ განსწავლულობაზეც დაიწყო ფიქრი, შექმნა ურიცხვი ღმერთები და რელიგიები, რასაკვირველია, გაჩნდნენ ქურუმებიც, რომლებსაც ყველაზე მეტად მოეწონათ ეს სიახლე. როგორც თითოელი რელიგია თუ მითოლოგია გვასწავლის ღმერთ(ებ)ი ცაში, ან სადმე მასთან ახლოს მაინც, მაგალითად ოლიმპოს მთაზე, ცხოვრობენ. ისინი ბევრად უკეთეს საკვებს მიირთმევენ ვიდრე მოკვდავნი, ამბროსს და ნექტარს. უფრო შემდგომი, იუდაიზმზე დაფუძნებული მონოთეისტური რელიგიები კიდევ უფრო შორს წავიდნენ და ასეთ სიამ-ტკბილობებს ჩვენც დაგვიპრდნენ. ქრისტიანობა ზუსტად არ აკონკრეტებს რა სიურპრიზს გვიმზადებს.

virgins-86020025358

აი, ისლამი კი უფრო გულღიაა და გვიმხელს რომ ყველას ექნება სხვადასხვა ძვირფასი ქვებისგან მოჭედილი თვალუწდენელი სასახლეები, ფუფუნება, ყველა ოჯახი იცხოვრებს ერთად (იქნებ დაუქორწინებლესაც „გაეხსნათ ბედი“, ხოლო მათთვის, ვინც ყველაზე დამჯერი იქნება, გადაეცემა 72 ქალწული, სავსე მკერდით, ვნებისაღმძვრელი ვაგინით, თეთრი კანით, ზედმეტი თმების გარეშე  და რაც მთავარია, ისინი არასდროს დაბერდებიან (ალბათ არც PMS ექნებათ) და მუდამ ღვთის მოშიში მამაკაცების განკარგულების ქვეშ იქნებიან. Continue reading

Advertisements


11 Comments

საოცნებო სამსუნგ გალაქსი ნოუთი

დგება დრო, როდესაც სრულებით უსარგებლო ხდება ისეთი ნივთები, როგორიცაა მობილური ტელეფონი, ტელევიზორი, კომპიუტერი, ორგანაიზერი, ფუნჯი, ფანქარი, კალამი, მარკერი, ფერადი საღებავები, ფურცლები, სახატავი  ტილოები, ქაღალდზე დაბეჭდილი ლიტერატურა, ბეჭდური პერიოდული გამოცემები, ფოტოკამერა, ვიდეოკამერა და უამრავი სხვა რამ. მაგრამ ეს მხოლოდ იმ შემთხვევაში თუ გაქვს სამსუნგ გალაქსი ნოუთი. ბრწყინვალე რამ, რაც შეგიცვლის აქამდე არსებულ ყველა ნივთს და მიხვდები რომ ამ ყველაფრის ცალკ-ცალკე შეძენა უბრალოდ ფულის ფლანგვაა.

ამ უნივერსალური მოწყობილობის შესახებ ჯერ სატელევეზიო რეკლამა ვნახე, შედეგ facebook-ზე წავაწყდი გვერდს, წავიკითხე ანინას პოსტი და ბოლოს პირადად გავიცანი ეს საოცარი რამ, როდესაც ჩემმა მეგობარმა შეიძინა.

ამრიგად, ჩემ wish list-ს კიდევ ერთი დაემატა და ამ სიახლემ სიის პირველი ადგილი დაიკავა. მაშ ასე, წარმოგიდგენთ მის აღმატებულება სამასუნგ გალაქსი ნოუთს! რა არის გალაქსი ნოუთი. ავიღოთ სმარტფონი, დავუმატოთ მას პლამშეტის ფუნქციები,  რვა მეგაპიქსელიანი კამერა, რომელსაც გააჩნია ავტოფოკუსირება და 4X ზუმი. Full HD ვიდეო კიდევ უამრავი „პრელესწი“, რასაც ვერ ჩამოვთვლი და მივიღებთ სამსუნგ გალაქსი ნოუთს. შეგიძლია ფოტოს ჭკვიანი სტაილიუსით s pen-ით მიაწერო ან მიახატო რაც გინდა, ან ფოტო ედიტორი გამოიყენო და ისეთი სახე მისცე სურათს, როგორსაც ისურვებ. მე პირადად ამ ფუნქციით ძალიან გავერთე. Continue reading


17 Comments

Just another facebook friend

მაგიდაზე დადგმულ ბოთლში დაახლოებით ორი ჭიქისთვის სამყოფი არაყია დარჩენილი. ამ დროს ზურა შემოვიდა. ჩამოვასხი ოროსთვის და გავუწოდე ჭიქა. იმათ გაუმარჯოს, ვისაც ვუყვარვართ და ჩვენ არ ვიცითო. გაკვირვებულამა შევხედე, – როგორ შეიძლება ვინმეს ვუყვარდე და არ ვიცოდე-მეთქი, – ეს გავიფიქრე და მეც გადავკარი არაყი.

თუ ვინმე მიყვარს, ყოველთვის მაშინვე ვეუბნები. თუ ვბრაზდები,  – აღარ მიყვარხარ-მეთქი, ამასაც მაშინვე მივახლი. მაგრამ, ეს რა თქმა უნდა, ძირითადად მეგობრებზე ვრცელდება, მაგალითად კნუტი უკვე იმდენჯერ შევიყვარე და გადავიყვარე, რომ გინესის რეკორდების წიგნში შესვლაზეც  შემიძლია მქონდეს ამბიცია.

მაგრამ, ყოველთვის ასე ხომ არ არის. ამ დროისათვის facebook-ზე ზუსტად 785 მეგობარი მყავს. ჩემი და ჩემი მეგობრების უმრავლესობის შემთხვევაში facebook-ი არ არის ადგილი, სადაც დღეში ორი-სამი საათით შევიხედავ, ჩატით ვისარგებლებ, რამე ემო სტატუსს დავალაიქებ და გამოვალ. ეს ამ პოსტისთვის მკითხველთა სრული უმრავლესობისთისაც არის ადგილი, რომელიც შეიძლება კიდევ უფრო ნამდვილი იყოს ვიდრე რომელიმე სხვა. ვაშეარებთ ყველაფერ იმას რაც გვინდა რომ ყველა დანარჩენს ან მათ ნაწილს ვუთხრათ. ვსაუბრობთ საჯაროდ თუ დახურულ ჯგუფებში საჯარო თუ საზოგადოების სხვა ნაწილებისთვის ტაბუირებულ თემებზე. ვუზიარებთ ერთმანეთს ჩვენ მიერ ახალ აღმოჩენილ მუსიკალურ შედევრებს, ვიწონებთ სტატიებს და პოსტებს, გამოვთქვამთ გულისტკივილს ჯობსის, ჯექსონის, ჰიუსტონის და სხვათა გარდაცვალების გამო და სხვ. მოკლედ ეს არის უსაზღვრო სივრცე, სადაც ჩვენი ყველა ემოცია თუ რაციონალური განსჯის შედეგად მიღებული აზრი იყრის თავს. ამ სახელმწიფოში, რომელსაც ქართული facebook-ი ქვია (იმედია სეპარატიზმში არავინ დამდებს ბრალს), ვიბადებით და ვმოღვაწეობთ, ზოგჯერ თავსაც ვიკლავთ (დეაქტივაციას ვუკეთებთ ექაუნთს), ჩვენც,  facebook-ელ ქართველებსაც ღამღაბოთ გვითავდება სიგარეტი და ჩვენც ისევე ვწუხვართ ამის გამო, როგორც ნებისმიერი სხვა მწეველი, ჩვენც გვაბრაზებს ჩვენთვის მიუღებელი აზრები და ჩვენც გვიყვარდება. Continue reading


50 Comments

ქართველი არაბლოგერი VS ქართველი ბლოგერი

ამ პოსტიდან შეიტყობთ, როგორ იქცევიან სხვადასხვა სიტუაციაში ქართველი არაბლოგერები და ქართველი ბლოგერები. პოსტი ეფუძნება ჩემს პირად დაკვირვებას.

ქართველი არაბლოგერი იღვიძებს, ეწევა ერთ ღერ სიგარეტს, სვამს ყავას, შედის აბაზანაში, იცვამს ტანსაცმელს, ტელეფონზე ნახულობს გამოტოვებულ ზარებს, საუზმობს, მიდის სამსახურში. Continue reading


37 Comments

როგორ არ უნდა ვეძებოთ სექს-პარტნიორი facebook-ზე

დიახ, სწორედ ასე. ამ პოსტში მე არ ვაპირებ რჩევების მიცემას, იმის შესახებ, თუ როგორ უნდა ვიპოვოთ სექს-პარტნიორები. სამაგიეროდ გეტყვით, თუ თქვენ ხართ ახალგაზრდა, სიმპატიური, მაგრამ მაინც მამაკაცი – მე არ უნდა მომწეროთ და სექსი არ უნდა შემომთავაზოთ. საქმე ის არის, რომ ყოველდღე დაახლოვებით ერთსა და იმავე კითხვებზე მიწევს პასუხის გაცემა. ვინმე ბიჭი მიგზავნის facebook-ზე მეგობრობის თხოვნას. იქიდან გამომდინარე, რომ მე ყველას ვიმატებ, ვისთვისაც უარის თქმის განსაკუთრბული საბაბი არ მაქვს, ამ ბიჭებსაც ვიმატებ ხოლმე. შემდეგ ჩატში მიმდინარეობს დაახლოვებით ასეთი საუბარი:

-ნიკა, როგორ ხარ?

-კარგად. შენ როგორ ხარ? ვიცნობთ ერთმანეთს?

-არა, მაგრამ თუ წინააღმდეგი არ ხარ გავიცნოთ 🙂

-ok.

-ნიკა, შენ გეი ხარ?

-არა.

-არ წოლილხარ არასდროს კაცთან?

-არა, მარტო გოგოები მომწონს.

-ჰო… გეები გყავდა ფრენდებში და… კაი, ბოდიში თუ რამე გაწყენინე.

მოკლედ, მინდა, საჯარო განცხადება გავაკეთო. თუ თქვენ დღეს დამიმატეთ facebook-ზე და აპირებთ ჩემთან მსგავსი დიალოგის გამართვას, წინასწარ გიპასუხებთ, რომ,- დიახ, ალბათ, მყავს დამატებული ლგბტ ადამიანები. იმასაც დავამატებ, რომ არავის წაშლას არ ვაპირებ მისი სექსუალური ორიენტაციის გამო და მეტიც, საერთოდ არ მაინტერესებს ვინ – კაცთან, ვინ ქალთან, ვინ ძაღლთან და ვინ ზებრასთან წევს. უბრალოდ, სავსებით ვარ დარწმუნებული, რომ მხოლოდ გოგოები მომწონს და რამდენჯერაც უნდა მკითხოთ, ყოველთვის მხოლოდ გოგოები მომეწონება.


8 Comments

გიგანტური ციგნის ბავშვის ამბავი, ანუ ჩემი ტელევიზორის ანიმიზმი

ადრე ერთი მეგობარი მყავდა, რომელიც ოცნებობდა ლიფტში გაეუპატიურებინათ. რატომ მაინც და მაინც ლიფტში არ ვიცი, ალბათ დიდ ფსიქოანალიტიკოსად ვერ გამოვდგები, მაგრამ ფაქტია რომ უნდოდა. ამ ამბის შესახებ მარტო მე ვიცოდი და იქიდან გამომდინარე, რომ არა თუ ფსიქოანალიტოკოსად, ჯეროვან მოძალადედაც ვერ ვივარგებ, მისი ეს ოცნება აუხდენელი დარჩა. Continue reading